ديوان قصائدي الثاني

السبت، 21 أبريل 2018

بدور اشكي

بدور أشكي

كلمات شاعر تراب السودان

مفيد عوض حسن علي

بفتش ليك يا امـــــــــــــي... بدور احضن فيك الامي

بفتش لزولا اواسيني... ما لقيت غير الغريب جنبي

بفتش لصلة رحمي... واقــــــــــــول يا ربي ترحمني

بفتش للعزاز وحنان... لقيـــت في الغربة لي احزان

دموعي النازلة في خدي... وعمري الماشـــي متعدي

بدور اشكي ليـــــك همي... وابوي الفات وزاد المي

ابوي الكان عديل وفطن... ابوي الكان حكيـــم ووطن

وانتي الليلة يا امي... شلتي القاســـــــــية ليك زمن

بدور احكي ليك يا امي... بدور اضمك جوه في ضمي

بدور الســاقية موية لي... بدور امسح دموع عيني

الدوحة – دولة قطر

السبت 21 ابريل 2018

الاثنين، 16 أبريل 2018

الحزن العميق...

الحزن العميق

كلمات شاعر تراب السودان

مفيد عوض حسن علي

ابوي يا الكنت لينا حزام... ابوي ما عليك ملام

ابوي يا الكنت كريم طيب... ابوي فارقناك يا حبيب

ابوي يا الكنت حنين وعطوف... ابوي يا المابتهاب الخوف

ابوي يا الشلت الهموم بكفاح... ابوي يا الكنت ما مرتاح

ابوي في عيونا لينا شعار... ابوي التعب علينا ليل ونهار

ابوي فارقت بدري شديد... ابوي سيد المروة قلبو حديد

ابوي واصل الرحم وليهو وصال... ابوي يا الديمة خيرك مال

ابوي سيد الرجال وقبيلة... ابوي عيونا ليك هدية

ابوي ما مت جبت رجال... ابوي فرقتك هزت بلاد وجبال

ابوي دعواتنا ليك رحمة... ابوي صلاتنا دواء وقرانا ليك ختمة

ابوي يا الكنت لينا دليل... ابوي يا الكنت الصديق بالحيل

ابوي يا الكنت حكيم ونبيل...

ابوي يا الكنت للشينة ما بتميل...

ابوي طبعك سمح بالحيل...

ارحمك يا ابوي والجنة دارا ليك...

الدوحة – دولة قطر

اللاثنين 16 ابريل 2018

الثلاثاء، 30 يناير 2018

لا تظلموني...

لا تظلموني

كلمات شاعر تراب السودان

مفيد عوض حسن علي

ظلمونـــــــــــي القالوا عني أخلفت الميعاد

وحيــــــــــــاة نور خدودك ما لي في العناد

زاد شــــــــــــوقي ليك أكثر وبنتظر الوداد

***

أنا يا ما إشــــــــــتقت ليك ولابد يوم تعود

إحن وإغني ليـــــــك كمان وطمبور وعود

***

أنا بس راجيه طيــــــــــفك ونبدأ من جديد

شــــــــــايلة الفرحة قلبي بنيت جوايا عيد

قبل ما أودع وأغادر تكون جواك ســـــعيد

أهديك أجمل مشــــــــــاعر أبادلك كل جديد

***

تدوم الفرحة بينا وأدوم الســــــــــــعد بيك

خلاص خليه دربي وأنا برضي راضي بيك

بشـــــــيل الحزن وأهرب ولا بد يوم أجيك

الدوحة – دولة قطر

السبت 20 يناير 2018

السبت، 13 يناير 2018

الحلم الدفين...

الحلم الدفين

كلمات شاعر تراب السودان

مفيد عوض حسن علي

أعجبني طيــــــــــــــــــــــــــــــــــفك يا جميل

وأنا كنت ضيـــــــــــــــــــــــــــــفك في الحلم

ما كنت مادي إيـــــــــــــــــــــــــــــــــدي ليك

كانت أماني إتحققــــــــــــــــــت من غير علم

كنت بتواســـــــــــــــــــــــــــــــــــــــيني الألم

طال العمر فات إنقســــــــــــــــــــــــــــــــــــم

كانت قصتنا حقيـــــــــــــــــــــــــــــــــقة حية

إتبددت وبقــــــــــــــــــــــــــــــت كتابة بالقلم

ماتت تقاســــــــــــــــــــــــــــــيم هوانا وحبنا

ذهبت رياح بقت ترفــــــــــــــــــرف زي علم

بددت حلمي الكان يقيــــــــــــــــــــــــــــــــــن

بقى زي ســـــــــــــــــراب... بقى زي وهم...

كانت آمال ســـــــــــــــــــــاكنة في جواي أمل

حلمي الدفين بقى لي جراح... وبقى لي ألم...

الدوحة – دولة قطر

السبت 13 يناير 2018

الجمعة، 5 يناير 2018

يا سليم الذوق...

يا سليم الذوق

كلمات شاعر تراب السودان

مفيد عوض حسن علي

ســـــــــــــــــــــليم الذوق متين ترضى وتهنينا

تسلم ايديك للاحباب وتسلم... نفوسنا تراضيها

بعبير انفاســــــــــــــــــــــــك تعطر بيها ايادينا

بجميل طبعك تجمل الدنيـــــــــــــــــــــا بالفيها

بالحنين والشــــــــــــــــوق نبل الكان مجافينا

طال الغياب بيناتنا تعال ارجــــــــــــــع وهنينا

برجعتك بكرة نســـــــــــــــــــعد وتطول ليالينا

نرقص نغني نعيـــــــــــــــــــــد ايام الفرح لينا

بيناتنا مافي عتاب والحب وســـــــــــــــام فينا

بســـــــــــــــــــمتك لينا بتكفي ونظراتك تدفينا

صوتـك زي رنين صداح في الوتر ما بتلاقيها

بس يا سليم الذوق تعال ونفســــــــي راضيها

روحي عايشة معاك قرب تعال بالمرة اشفيها

قرب تعال قرب بالاحضـــــان ارواحنا نرميها

بالريد والشـــــــــــــــــــوق نبل ريدتنا نفديها

ربيــــع دنيتنا في صبانا كنا في ذكر ماضيها

ســــــــــــــليم الذوق متين ترضى وتراضينا

يا ســــــــــــــليم الذوق متين ترضى وتهنينا

الدوحة – دولة قطر

الجمعه 05/01/18

السبت، 16 ديسمبر 2017

في المودة...

في المودة

كلمات شاعر تراب السودان

مفيد عوض حسن علي

شوفت في عينيك حنين طبعو زايد بمودة

عرفت في طبعك انين شــلت من طبعك مودة

كنت في ترحالي قاســــــــــــــــــــــــي...

كنت بكتب بس حروف زي مســــــــــــــــودة

بعاني من الم الفــــــــــــــــــــــــــــراق...

كانت ايامي وســــــعادتي بس دقائق لا تعدى

توذقت طعم الفرحــــــــــــــــــــة بعدك...

وكانت ليالي ظلمة وحاضن جواي بس مخدة

لملمت جراحي وجيــــــــــــــــت اناهد...

قلت اســــــعد بقربك والقى ترحابي في مودة

نقعد ســـــــــــوى وننسى الام الهوى...

نكتب قصائد نعبر فيها نفتح باب ما انســــده

عِدتي في نفسي الســــــــــــــــــــرور...

وســعادتي زادت وجوا خاطري انتي المودة

جوا خاطري انت الحيـــــــــــــــــــــاة...

انت الســــــــــــــــــــــــــــرور وانتي المودة

الدوحة – دولة قطر

الجمعة 15 ديسمبر 2017

الأربعاء، 29 نوفمبر 2017

إشتقت ليك...

إشتقت ليك

كلمات شاعر تراب السودان

مفيد عوض حسن علي

إشتقت ليك... إشتقت ليك...

إشتقت للبسمة التفرهد وجنتيك...

إشتقت للقلب البرسم وردتين...

إشتقت لايدي تلامس زهرتين...

إشتقت لعينيك معاي...

إشتقت لقلبك جواي...

إشتقت لورق الربيع...

إشتقت لزولا وديع...

إشتقت لنور الصباح...

إشتقت للقمر البظهر مرتين... وإشتقت ليك...

إشتقت لنظرات تولد جو في جواي مرح...

إشتقت لصوتا إغني وإهدي لقلبي الفرح...

إشتقت لثوبا إغطي ريدنا العمرو في يوم ما إنجرح...

إشتقت لظلا إواري...

إشتقت لعينا تضاري...

وإشتقت في يوما اجيك... وإشتقت ليك... ... ...

الدوحة – دولة قطر

الخميس 30 نوفمبر 2017