إشتقت ليك...

إشتقت ليك

كلمات شاعر تراب السودان

مفيد عوض حسن علي

إشتقت ليك... إشتقت ليك...

إشتقت للبسمة التفرهد وجنتيك...

إشتقت للقلب البرسم وردتين...

إشتقت لايدي تلامس زهرتين...

إشتقت لعينيك معاي...

إشتقت لقلبك جواي...

إشتقت لورق الربيع...

إشتقت لزولا وديع...

إشتقت لنور الصباح...

إشتقت للقمر البظهر مرتين... وإشتقت ليك...

إشتقت لنظرات تولد جو في جواي مرح...

إشتقت لصوتا إغني وإهدي لقلبي الفرح...

إشتقت لثوبا إغطي ريدنا العمرو في يوم ما إنجرح...

إشتقت لظلا إواري...

إشتقت لعينا تضاري...

وإشتقت في يوما اجيك... وإشتقت ليك... ... ...

الدوحة – دولة قطر

الخميس 30 نوفمبر 2017

الســــــــــــــــــــــــــــاقية

الســـــــــــــــــــــــــــاقية

كلمات شاعر تراب السودان

مفيد عوض حسن علي

زي ســــــــــاقية نحن مدورة

                                بقت الحيـــــــــــــــــــاة في دمنا

بقت الحيــــــــــــــاة في دمنا

                                زي ســــــــــــــاقية نحن مدورة

من يوم بدت تمشــــي وتلف

                                ما بتمل واصلا ما بتقيـــــــــــف

ما بتمل واصلا ما بتقيــــــف

                                لا في الشتاء لا صيف لا خريـف

شمس النهار ما اتغيــــــــرت

                                وظل المغيب هادي وظريــــــــف

موية تقول اتلونـــــــــــــــــت

                                من الزير تشرب تقيــــــــــــــــف

نقول نرجع للمودة نعود لامنا

                                وساعة الاكل صينية واحدة تلمنا

وبقت الحياة زي ســاقية بس

                                وبقت الســـــاقية جارية في دمنا

الدوحة – دولة قطر

الجمعة 3 نوفمبر 2017